జంపన వారి వైభవం: శ్రీ ఆంజనేయుని పాట

Wednesday, 17 April 2013

మోహన రాగం :: ఆది తాళం

పల్లవి - నమో ఆంజనేయా, జయ జయ నమో రామదూతా...

ప్రభో , నమో ఆంజనేయా, జయ జయ నమో రామదూతా...

జయ జయ నమో రామదూతా... ||నమోఆంజనేయా||

చరణం :-1 రామ రామ యని రయమున పాడుచు

రామ స్మరణము, చేసెడి వారికి

రామ లక్ష్మణుల, భారము నాదని

పేరు ప్రఖ్యాతులు, గాంచిన దేవా ... ||నమోఆంజనేయా||

చరణం :-2 పండ్లు ఫలంబులు పనస తొనలను

సీతా రాముల, భుజియింపగను

కన్నబిడ్డ వలె, కనికరించుచు

కన్నుల పండుగ , గాంచిన దేవా ... ||నమోఆంజనేయా||

చరణం :-3 భక్తుల నెల్లను , బ్రోచే వాడా

ముక్తి సంపదల, నొసగే వాడా

ఆంజనేయుడవు, నీవే కావా

ఓ రామ భక్తా, శ్రీ ఆంజనేయా ... ||నమోఆంజనేయా||

చరణం :- 4 రామ లక్ష్మణుల , నిరతము గాంచిన

వానర మూర్తివి , నీవే కావా

ఎల్లప్పుడు , నీ నామమె గతియని
స్మరించి , భజించి , తరింతు దేవా ... ||నమోఆంజనేయా||

జంపన వారి వైభవం