శ్రీ గణపతి పాట

శ్రీరస్తు               శుభమస్తు        అవిఘ్నమస్తు            ఓం నమో విఘ్నేశ్వరాయ నమః

మాల్కోస్ రాగం :: ఆది  తాళం                                    

పల్లవి -                   శ్రీ గణేశ్వర, గిరిజా కుమారా..

సుగుణ సంపన్న, సాకారా...

మంచి కుడుములు, ఉండ్రాళ్ళు నీ ..కు ..

ఉంచి నానయ్య , రా ..వే.. రా..                          ||శ్రీ గణేశ్వర||

 చరణం :-1              పూర్వము నీ పుణ్య ఫలమేమొగాని

పార్వతి ప్రియ పుత్రుడైనావు జ్ఞాని

పర్వత సంచారా.., సర్వము నీవేరా..

ప్రార్ధన చేసేమురా ...  ఆ ఆ ఆ ...                       ||శ్రీ గణేశ్వర||

చరణం :-2               ఏ పని నే జేసినను నిన్ను ముందు

నీ పద పద్మాలు స్మరియించు చుందు

తాపస మందార.., తండ్రివి నీవేరా..

తనయుని కాపాడరా ... ఆ ఆ ఆ ...                    ||శ్రీ గణేశ్వర||

చరణం :-3              శ్రీకర శ్రీకృష్ణ భగవానుడై..నా..

నిందలు మోసేడు నీ కారణా..నా..

నీ కృప లేకున్న.., ఈ ధర ఎవరైనా..

కార్యములను జేయునా ...  ఆ ఆ ఆ ...               ||శ్రీ గణేశ్వర||

చరణం :- 4             ఏలిక నీ వాహనం ఎలుక రాజా

బాలుడు భక్తుండు ఈ నూకరాజూ ..

జాలము నీకేల .., జాలితొ రావేరా..

మాలను గై కొనరా ... ఆ ఆ ఆ ...                        ||శ్రీ గణేశ్వర||